Միացյալ Նահանգները և Իսրայելը մտադիր են շարունակել Իրանի վրա առավելագույն ճնշում գործադրել՝ Մերձավոր Արևելքում իրենց նպատակներին հասնելու համար։ Այս մասին հայտարարել է ՄԱԿ-ում Միացյալ Նահանգների մշտական ներկայացուցչությունը՝ առաքելության ղեկավար Մայք Ուոլցի և Իսրայելի նախագահ Իսահակ Հերցոգի հանդիպումից հետո։
«Նրանք քննարկել են Իրանի վրա առավելագույն ճնշում գործադրելու անհրաժեշտությունը։ ․․․ Մշտական ներկայացուցիչ Ուոլցը և նախագահ Հերցոգը նաև համաձայնության են եկել նախագահ Թրամփի՝ Գազայում պատերազմը դադարեցնելու համապարփակ ծրագրի արագ իրականացման,«ՀԱՄԱՍ»-ի ապառազմականացման և Գազայի հատվածի ապագային նրա մասնակցության բացառման անհրաժեշտության վերաբերյալ»,- ասվում է հայտարարության մեջ։
Հետևեք մեզ տելեգրամում
