«Առանց Թուրքիայի չի կարող լինել անվտանգություն և կայունություն». թուրք նախարար

Թուրքիայի խորհրդարանում շարունակվող 2026 թ. բյուջեի քննարկումների ընթացքում Տրանսպորտի և ենթակառուցվածքների նախարար Ա. Ուրալօղլուն խոսել է համաշխարհային լոգիստիկայում Թուրքիայի դերի և իրականացվող ռազմավարական նախագծերի մասին։

Ուրալօղլուն մասնավորապես ասել է, որ այսօր Թուրքիան միայն իր աշխարհագրական դիրքով բնութագրելը այլևս բավարար չէ, քանի որ Թուրքիայի նախագահ Ռ. Թ. Էրդողան վարած քաղաքականության շնորհիվ երկիրը վերածվել է աշխարհագրական ռազմավարական խաղաղության և անվտանգության կղզու։
«Մենք այսօր ոչ միայն ասում ենք, որ առանց Թուրքիա միջանցք չի կարող լինել, այլև, շեշտում ենք, որ առանց Թուրքիա չի կարող լինել անվտանգություն և կայունություն։ Թուրքիան պարզապես տարանցիկ գոտի չէ, այլ Եվրասիական լոգիստիկայում ուղղություն որոշող, խաղաղություն խրախուսող և կայուն կենտրոն»,-ասել է նախարարը։
Ուրալօղլուն, խոսելով Թուրքիայի կողմից իրականացվող լոգիստիկ ծրագրերի մասին, նշել է. «Զանգեզուրի միջանցքի կարևոր բաղկացուցիչը հանդիսացող Կարս-Իգդիր-Դիլուջու գծի ամբողջացմամբ մենք ստեղծում ենք նոր ռազմավարական խորություն, որը Միջին միջանցքը մեր երկրին կկապի երկու տարբեր սահմանային անցակետերով»։ Իսկ Զարգացման ճանապարհի նախագիծը, որը պատմական քայլ է և մեր երկրի լոգիստիկ հզորությունը կհասցնի իր գագաթնակետին, բոլորովին նոր առևտրային միջանցք է, որը կսկսվի Պարսից ծոցից և կհասնի Եվրոպա՝ Թուրքիայի միջոցով: Թուրքիայով անցնող հատվածը կկազմի միջմայրցամաքային առևտրի ողնաշարը՝ ճանապարհային և երկաթուղային ճանապարհներով: Այս հսկա նախագիծը, որը կիրականացվի մեր նախագահի վճռական ղեկավարությամբ և մշտական վերահսկողությամբ, Թուրքիայի քաղաքական գերակայությունը կվերածի տնտեսական ուժի: Թուրքիան պարզապես կամուրջ չէ, այլ մեծ պետություն է, որն ուղղություն է սահմանում և որոշում է առևտրի ընթացքը»։