Ֆրանսիան հրաժարվում է հյուրընկալել «Մանկական Եվրատեսիլ 2026»-ը

Ֆրանսիայի ազգային հանրային հեռուստաընկերությունը՝ France Télévisions-ը հայտարարել է, որ Ֆրանսիան չի հյուրընկալելու «Մանկական Եվրատեսիլ 2026» երգի մրցույթը՝ ֆինանսական դժվարությունների պատճառով։ Միջանկյալ նշենք, որ Ֆրանսիայի ներկայացուցիչ Լու Դելյոզ-ն իր «Ce monde» երգով հաղթեց Թբիլիսիում անցկացված «Մանկական Եվրատեսիլ 2025» մրցույթում՝ հավաքելով 248 միավոր։

Ըստ հայտարարության՝ 2026 թվականի բյուջեն հավասարակշռելու համար France Télévisions-ը պետք է խնայի շուրջ 140 միլիոն եվրո։ Այս խիստ բյուջետային սահմանափակումների պայմաններում հեռուստաընկերությունը որոշել է հրաժարվել լրացուցիչ ծախսատար նախագծերից, այդ թվում՝ «Մանկական Եվրատեսիլի» կազմակերպումից։