Բրյուսելում ռոբոտաշինության ցուցադրության ընթացքում ներկայացվել են արհեստական բանականությամբ աշխատող մարդանման ռոբոտներ, որոնք ցուցադրել են առաքման, արտադրական և կենցաղային տարբեր առաջադրանքներ։ Այս մասին հայտնում է Euronews-ը:
Միջոցառումը տեղի է ունեցել Եվրոպական խորհրդարանում: Մշակողները նշում են, որ արհեստական բանականության զարգացումը բարելավում է ռոբոտների՝ շրջակա միջավայրը ընկալելու և առարկաների հետ աշխատելու կարողությունները։ Սա հնարավորություն է տալիս մեքենաներին աշխատել մարդկանց կողքին և հարմարվել փոփոխվող պայմաններին։ Տեխնոլոգիան հատկապես դիտարկվում է աշխատուժի կրճատման և բնակչության ծերացման պայմաններում։
Հետազոտողները կարծում են, որ ապագայում մարդանման ռոբոտները կարող են կիրառվել նաև գործարաններում՝ առանց գործող ենթակառուցվածքների էական փոփոխության։ Սակայն տեխնոլոգիան դեռևս հիմնականում փորձարարական փուլում է։
Հետևեք մեզ տելեգրամում
