Նախօրեին պարզ դարձավ, որ «Turkish Airlines»-ը կանոնավոր չվերթներ կիրականացնի Ստամբուլ-Երևան-Ստամբուլ ուղղությամբ։ Թուրքիայի առաջատար ավիաընկերությունն ամենօրյա թռիչքները կսկսի իրականացնել 2026-ի մարտի 11-ից շաբաթական յոթ անգամ, իսկ հունիսի 15-ից սկսած՝ 14 անգամ։
«Turkish Airlines»-ի պաշտոնական կայքում հրապարակված են նաև ավիատոմսերի արժեքները։ Երևան-Ստամբուլ ավիատոմսերի գները սկսվում են 139 եվրոյից (62 000 դրամ), իսկ բիզնես դասի տոմսերի արժեքը՝ 551 եվրոյից (246 627 դրամ):









