Հայաստան-Թուրքիա կարգավորման գործընթացում Թուրքիայի հատուկ ներկայացուցիչ Սերդար Քըլըչը «X»-ի իր էջում կիսվել է Թուրքիայի ԱԳՆ-ի հրապարակմամբ՝ առ այն, որ Հայաստան-Թուրքիա հարաբերությունների կարգավորման գործընթացի հատուկ ներկայացուցիչների միջև ձեռք բերված պայմանավորվածությունների շրջանակներում Հայաստանն ու Թուրքիան որոշում են կայացրել դյուրացնել վիզաների տրամադրման գործընթացը դիվանագիտական, հատուկ և ծառայողական անձնագրեր կրողների համար:
«Թուրքիա-Հայաստան հարաբերությունների կարգավորման գործընթացում նոր քայլ։ Թող հաջողությամբ իրականացվի»-գրել է Քըլըչը։
Հիշեցնենք, որ Հայաստանի ԱԳՆ-ի հայտարարության համաձայն՝ 2026թ. հունվարի 1-ից երկու երկրների դիվանագիտական, ծառայողական և հատուկ անձնագիր կրող անձինք կարողանալու են էլեկտրոնային վիզա (e-visa) ստանալ անվճար:
«Այս առիթով Հայաստանն ու Թուրքիան ևս մեկ անգամ վերահաստատում են իրենց հանձնառությունը՝ շարունակելու երկու երկրների միջև կարգավորման գործընթացը՝ նպատակ ունենալով առանց որևէ նախապայմանների հասնել լիարժեք կարգավորմանը»,-նշել էր ԱԳՆ-ն:
Հետևեք մեզ տելեգրամում
