Ըստ Վրաստանի ազգային վիճակագրական ծառայության՝ 2024-ին ծնվել է ընդհանուր առմամբ 39 հազար 483 երեխա։ Այդ մասին գրում է aliq.ge-ն։
2024 թվականին Վրաստանում ծնելիության մակարդակը հասել է վերջին 30 տարվա ընթացքում ամենացածր մակարդակին։ Մասնավորապես 2024 թվականին Վրաստանում մահացել է 43 հազար 971 մարդ, ինչը նշանակում է, որ բնական աճը բացասական է եղել։
Եթե նախկինում ծնելիության մակարդակը դեռևս գերազանցում էր մահացության մակարդակը, ապա այժմ մահացության մակարդակը կայուն կերպով բարձր է ծնելիության մակարդակից։
Երկրում ծնելիության մակարդակը տասնամյակների ընթացքում իր գագաթնակետին հասավ 2014 թվականին, երբ Վրաստանում ծնվեց ընդհանուր առմամբ 60 հազար 635 նորածին։ Վերջին 10 տարվա ընթացքում Վրաստանում ծնելիության մակարդակը նվազել է գրեթե 35%-ով։
Վրաստանի ազգային վիճակագրական ծառայությունը 2025 թվականի հիմնական ժողովրդագրական ցուցանիշները, որոնք ներառում են ծնունդները, մահերը, ամուսնությունները և ամուսնալուծությունները, կհրապարակի այս տարվա մարտի 27-ին։
Հետևեք մեզ տելեգրամում
