Հայաստանի վարչապետ Նիկոլ Փաշինյանը մասնակցել է «Հայաստանը և խաղաղությունը ռիսկերի ու հնարավորությունների խաչմերուկում» խորագրով քննարկմանը։ Փաշինյանն անդրադարձել է հայ-թուրքական հարաբերություններին ու նշել, որ տրամաբանությունն այն է, որ հաջորդիվ պետք է զարգացում լինի Հայաստան-Թուրքիա հարթության վրա:
«Եվ մենք հույս ունենք, որ այն պրոցեսները, որոնք տրամաբանորեն քաղաքական երկխսության մակարդակով լուծվել են, դրանք նաև գետնի վրա կունենան իրենց արտահայտությունը։ Անհավատալի և աներևակայելի պոզիտիվ միջավայր է, որտեղ մենք հայտնվել ենք»,-ասել է նա։ Փաշինյանը շեշտել է՝ այս ամենը չի նշանակում, որ բոլոր հարցերը լուծվել են․«Բայց լուծման բոլոր բանաձևերը գտել ենք»։
Նա հավելել է. «Հայաստան-Թուրքիա սահմանին կամուրջ պետք է կառուցվի»:
Հետևեք մեզ տելեգրամում
