«Henley Passport Index»–ը հրապարակել է աշխարհի ամենաազդեցիկ անձնագիր ունեցող երկրերի ցանկը։ Առաջին տեղում կրկին Սինգապուրն է և այդերկրի անձնագիր ունեցողներին հնարավորություն է տրվում առանց վիզայի այցելել 192 երկիր։
«Henley & Partners» անձնագրերի ինդեքսում “Global Ranking 2026” զեկույցի համաձայն` Հայաստանը զբաղեցնում է 71-րդ հորիզոնականը՝ նախորդ տարվա 74-րդի համեմատ։ Հայաստանի անձնագիր ունեցող քաղաքացիները կարող են առանց վիզայի մեկնել աշխարհի 66 երկրներ՝ նախորդ տարվա 68-ի համեմատ։
Տարածաշրջանի երկրներից առաջատարը Վրաստանն է՝ 42-րդ, այնուհետև Թուրքիան և ԵԱՏՄ անդամ Ռուսաստանը կիսում են 46-րդ հորիզոնականը։ Ադրբեջանը գտնվում է 67-րդ, իսկ Իրանը համեմատաբար ցածր՝ 92-րդ հորիզոնականում։
ԵԱՏՄ երկրներից Բելառուսն անձնագրերի ինդեքսում զբաղեցնում է 60-րդ, Ղազախստանը՝ 61-րդ, իսկ Ղրղզստանը՝ 75-րդ հորիզոնականը։
Henley & Partners անձնագրերի ինդեքսը ցույց է տալիս, թե տվյալ երկրի անձնագիր կրողը քանի երկիր կարող է այցելել առանց վիզայի: 2026թ. ինդեքսը ներառում է 199 անձնագիր և 227 ճանապարհորդական ուղղություն:
Հետևեք մեզ տելեգրամում
