ԵՄ-ն հաստատել է 20 մլն եվրոյի տրամադրումը ՀՀ-ին Խաղաղության հիմնադրամից: Այդ մասին հայտնել է «Ազատություն» ռադիոկայանի եվրոպական ծառայության խմբագիր Ռիչարդ Յոզվյակը X-ի իր միկրոբլոգում:
«Եվրամիության անդամ երկրների դեսպանները հավանություն են տվել Հայաստանին Խաղաղության հիմնադրամից 20 միլիոն եվրոյի տրամադրմանը՝ որպես ռազմական օժանդակություն:
Եվս մեկ փոքր նշան, որ Հայաստանը մոտենում է ԵՄ-ին այս տարվա կարևոր ընտրություններից առաջ»,-ասվում է գրառման մեջ:
Ավելի վաղ հայտնի դարձավ, որ Հունգարիան հանել է վետոն Եվրոպական խաղաղության հիմնադրամի շրջանակում Հայաստանին 20 միլիոն եվրոյի աջակցության տրամադրման որոշումից։ Այդ մասին հայտնել էր նույն Յոզվյակը:
Հետևեք մեզ տելեգրամում
