Իրանի արտգործնախարար Աբբաս Արաղչին հեռախոսազրույց է ունեցել Ադրբեջանի պաշտոնակից Ջեյհուն Բայրամովի հետ: Կողմերը, անդրադառնալով Արաղչիի Բաքու կատարած այցի շրջանակում ձեռք բերված պայմանավորվածություններին, ընդգծել են երկկողմ հարաբերություններն ամրապնդելու և բազմակողմ հարցերի, այդ թվում՝ Կովկասին առնչվող հարցերի շուրջ համագործակցությունը զարգացնելու երկու երկրների կամքը:
Արաղչին, ներկայացնելով տարածաշրջանային զարգացումները և ԱՄՆ-ի «ապակառուցողական միջամտություններից ու սիոնիստական ռեժիմի գերիշխանական ձգտումներից» բխող սպառնալիքները, ընդգծել է տարածաշրջանի բոլոր երկրների համատեղ պատասխանատվությունը՝ դիմակայելու խաղաղության և տարածաշրջանային կայունության դեմ ուղղված սպառնալիքներին, ինչպես նաև կանխելու տարածաշրջանի խաղաղության և կայունության դեմ սպառնալիք ստեղծելու նպատակով երրորդ կողմերի կողմից նրանց տարածքների ցանկացած օգտագործում:
Հետևեք մեզ տելեգրամում
