Օմանի մայրաքաղաք Մասկատում մեկնարկել են ԱՄՆ-Իրան բանակցությունները: Հանդիպմանը մասնակցում են ԱՄՆ նախագահի հատուկ դեսպանորդ Ուիթքոֆը և նախագահի փեսան՝ Ջարեդ Քուշները: Իրանի պատվիրակությունը գլխավորում է արտաքին գործերի նախարար Աբբաս Արաղչին, որն ավելի վաղ առանձին հանդիպում էր ունեցել Օմանի գործընկերոջ հետ: Փոխանցում է 1lurer.am-ը:
Հաղորդվում է, որ այսօրվա բանակցությունները վերաբերելու են ընդհանուր հարցերին, այլ ոչ թե միջուկային թեմայի տեխնիկական մանրամասներին՝ որպես բանակցությունների շարունակման ճանապարհային քարտեզի մշակման ներածություն:
Նախքան բանակցությունների մեկնարկն Իրանի արտգործնախարարը սոցցանցերում գրել էր, որ Իրանը գործում է բարեխղճորեն և հաստատակամորեն պաշտպանում երկրի իրավունքները։ «Հավասար իրավունքները, փոխադարձ հարգանքն ու փոխադարձ շահերը հռետորաբանություն չեն, այլ անհրաժեշտություն և կայուն համաձայնության հիմք»,- ասել է Արաղչին:
Հետևեք մեզ տելեգրամում
