Թուրքիայի առաջատար «Turkish Airlines» ավիաընկերությունը կանոնավոր թռիչքներ կիրականացնի Չինաստանի Սինցզյան-Ույղուրական ինքնավար շրջանի մայրքաղաք Ուրումչի։ Նշվում է, որ ավիաընկերության տնօրենների խորհուրդը որոշում է կայացրել սկսել կանոնավոր չվերթներ դեպի Ուրումչի և դա էլ կապված է առկա ռեսուրսներից և շուկայական պայմաններից։
Միջանկյալ նշենք, որ վերջին ամիսներին, Թուրքիայի և Չինաստանի ավիացիոն ընկերությունների միջև ստորագրված համաձայնագրի շնորհիվ, երկու երկրների միջև փոխադարձ չվերթների հաճախականությունների թիվը 21-ից աճել է՝ հասնելով 49-ի։
Ակնկալվում է, որ նոր երթուղին պամրապնդի երկու երկրների միջև տրանսպորտային կապերը։ Առաջիկա օրերին կհայտարարվեն դեպի Ուրումչի չվերթների ժամանակացույցի, ամսաթվերի և հաճախականության վերաբերյալ մանրամասները։
Հետևեք մեզ տելեգրամում
