ԱՄՆ նախագահ Դոնալդ Թրամփը հայտարարել է, որ Իրանի դեմ ռազմական գործողության վերաբերյալ որոշում կայացնելու համար 10-15 օրը բավական է: Հայտնում են ամերիկյան ԶԼՄ-ները:
Թրամփը նշել է, որ նշված ժամկետը «գրեթե առավելագույնն» է, որը պատրաստ է տրամադրել Իրանին՝ միջուկային ծրագրի շուրջ համաձայնության հասնելու համար։ «Կամ մենք գործարքի կհասնենք, կամ նրանց համար ցավալի կլինի»,- ասել է նա։
Թրամփի խոսքով՝ Իրանը «չի կարող շարունակել սպառնալ ամբողջ տարածաշրջանի կայունությանը» և պարտավոր է համաձայնության գալ։ Նա նաև վերահաստատել է, որ Իրանին պետք է զրկել միջուկային զենք ունենալու հնարավորությունից։
Արձագանքելով Թրամփի հայտարարությանը՝ ՄԱԿ-ում Իրանի մշտական ներկայացուցիչ Սաիդ Իրավանին նամակ է հղել ՄԱԿ ԱԽ-ին՝ ընդգծելով, որ Թրամփի սպառնալիքները ՄԱԿ կանոնադրության և միջազգային իրավունքների խախտում են և վկայում են ռազմական ագրեսիայի իրական վտանգի մասին։ Նա շեշտել է, որ Իրանի դեմ ագրեսիայի դեպքում Թեհրանը կդիմի օրինական ինքնապաշտպանության։
Հետևեք մեզ տելեգրամում
