Իրանի նախագահ Մասուդ Փեզեշքիանը հեռախոսազրույց է ունեցել Ադրբեջանի նախագահ Իլհամ Ալիևի հետ։ Կողմերը քննարկել են տարածաշրջանային վերջին զարգացումները և երկկողմ հարաբերությունները։ Իրանի նախագահն իր երախտագիտությունն է հայտնել Իլհամ Ալիևին՝ Իրանի դեսպանատուն այցելելու և Իսլամական Հանրապետության հոգևոր առաջնորդ Ալի Խամենեիի, ինչպես նաև բազմաթիվ խաղաղ բնակիչների նահատակության կապակցությամբ ցավակցություն հայտնելու համար։
Նա նաև շնորհակալություն է հայտնել Ադրբեջանին՝ Իրանին մարդասիրական օգնություն տրամադրելու պատրաստակամության համար։ Փեզեշքիանն ընդգծել է, որ Նախիջևանի օդային հրետակոծության միջադեպը որևէ կապ չունի Իրանի հետ՝ հավելելով, որ միջադեպը մանրամասն կհետաքննվի։ Ադրբեջանի նախագահն իր հերթին կրկին ցավակցություն է հայտնել Իրանում վերջին իրադարձությունների հետևանքով զոհերի կապակցությամբ։ Ալիևը կարևորել է Նախիջևանում տեղի ունեցած միջադեպի հետաքննությունը։ Կողմերը մտքեր են փոխանակել նաև համատեղ տնտեսական ծրագրերի զարգացման հեռանկարների շուրջ։
Հետևեք մեզ տելեգրամում
