Աշխարհահռչակ թավջութակահար Յան Մաքսինը Բոստոնում կայացած համերգի ընթացքում կատարել է հայկական «Արի իմ սոխակ» օրորոցայինը։
Օրորոցայինի խոսքերի հեղինակը 19-րդ դարի հայ մեծանուն բանաստեղծ, հրապարակախոս, բանաստեղծ Ռաֆայել Պատկանյանն է։ Այն դարձել է մայրական սիրո, ինչպես նաև հայրենիքի համար զոհված զինվորների հանդեպ վշտի և հիշատակի խորհրդանիշ։
Յան Մաքսինը, տիրապետելով երաժշտական տարբեր ոճերի՝ դասականից, ջազից ու բլյուզից մինչև աշխարհի ժողովուրդների երաժշտություն, ստեղծել է իր յուրահատուկ ոճը։ Յուրօրինակ տեխնիկայի միջոցով Մաքսինը կարողանում է միաժամանակ բասային և մենակատարային հատվածներ նվագել, իսկ երբեմն գործիքի վրա ռիթմով հարվածել:
Երաժիշտը 2018-ին այցելել էր Հայաստան և ելույթ ունեցել Կոմիտասի անվան կամերային երաժշտության տանը և նույնիսկ Երևանի մետրոյում կատարել էր հայկական ժողովրդական «Սարերի հովին մեռնեմ» երգը։
Տեսանյութի հղումը։
Հետևեք մեզ տելեգրամում
