Իրանը հայտնել է, թե որ երկրների նավերը կարող են անցնել Հորմուզի նեղուցով

Իրանի արտգործնախարարությունը հայտնել է, որ Իսրայելի և ԱՄՆ-ի հետ կապված նավերին թույլ չի տրվի անցնել Հորմուզի նեղուցով։ Հայտարարության մեջ նաև նշվում է, որ այն երկրների նավերը, որոնք չեն մասնակցել Իրանի դեմ հարձակումներին կարող են անցնել Հորմուզի նեղուցով։

Հայտարարության մեջ նշվում է, որ ԱՄՆ-ն և Իսրայելը պատասխանատու են Հորմուզի նեղուցում առաջացող ցանկացած անվտանգության ռիսկի համար, և ընդգծվում է, որ տարածաշրջանում կայուն անվտանգություն ապահովելու համար պետք է դադարեցվեն ռազմական հարձակումները։