Իրանի արտաքին գործերի նախարար Աբբաս Արաղչին հեռախոսազրույց է ունեցել Թուրքիայի պաշտոնակից Հաքան Ֆիդանի հետ: Կողմերը մտքեր են փոխանակել տարածաշրջանային զարգացումների շուրջ։ Այս մասին հայտնում են իրանական ԶԼՄ-ները:
Աբբաս Արաղչին հայտարարել է, որ Իրանը վճռական է պաշտպանելու իր ինքնիշխանությունը և իրեն իրավունք է վերապահում հարվածել հարևան երկրներում գտնվող ամերիկյան ռազմաբազաներին, քանի որ դրանք օգտագործվում են Իրանի դեմ։
Արաղչին շեշտել է, որ Հորմուզի նեղուցում նավագնացության անվտանգության խաթարումը ԱՄՆ-ի և Իսրայելի ագրեսիայի ուղղակի հետևանքն է։ Հաքան Ֆիդանը կարևորել է լարվածության նվազեցմանն ուղղված ջանքերը և տարածաշրջանի երկրների ու Իրանի միջև հարաբերությունների ամրապնդումը։
Հետևեք մեզ տելեգրամում
