Ապրիլի 14-ին ՌԴ արտգործնախարար Սերգեյ Լավրովը պաշտոնական այցով մեկնել է Պեկին։ Այս մասին հայտնել է «ՌԻԱ Նովոստի»-ն։
Այցի շրջանակում նախատեսված են բանակցություններ Չինաստանի արտգործնախարար Վան Իի հետ։
ՌԴ ԱԳՆ-ից ավելի վաղ հայտնել էին, որ կողմերը քննարկելու են երկկողմ համագործակցության հարցերը, տարբեր մակարդակներում շփումների հեռանկարները, ինչպես նաև միջազգային հարթակներում փոխգործակցությունը՝ շեշտադրելով համատեղ աշխատանքը ՄԱԿ-ում, ԲՐԻԿՍ-ում, ՇՀԿ-ում, Մեծ քսանյակում (G20) և այլ բազմակողմ ձևաչափերում։
Բացի այդ, ակնկալվում է, որ նախարարները կքննարկեն նաև մի շարք «թեժ թեմաներ» և տարածաշրջանային զարգացումներ, այդ թվում՝ Ուկրաինայում և Մերձավոր Արևելքում տեղի ունեցող գործընթացները։
Հետևեք մեզ տելեգրամում
