Իրանի ԶՈւ «Խաթամ ալ-Անբիա» կենտրոնական շտաբի մամուլի քարտուղարը հայտարարել է, որ Իրանը նախապես համաձայնել էր Հորմուզի նեղուցով սահմանափակ թվով նավթակիր և առևտրային նավերի կառավարելի անցմանը, սակայն ԱՄՆ-ի գործողությունները ստիպել են վերանայել այդ որոշումը։ Փոխանցում է իրանական Tasnim լրատվական կայքը:
Ըստ խոսնակի՝ ամերիկյան կողմը դրժել է պայմանավորվածությունները և Իրանի դեմ ծովային շրջափակում է իրականացնում: «Այդ իսկ պատճառով Հորմուզի նեղուցի վերահսկողությունը վերադարձվել է նախկին վիճակին, և այս ռազմավարական նեղուցը գտնվում է զինված ուժերի խիստ կառավարման և վերահսկողության ներքո։ Քանի դեռ Ամերիկան չի դադարեցրել Իրանից մեկնող և դեպի Իրան ժամանող նավերի ազատ տեղաշարժի խոչընդոտումը, Հորմուզի նեղուցի իրավիճակը կմնա խիստ վերահսկողության տակ և կպահպանվի նախկին վիճակում»,- հայտարարել է շտաբի խոսնակը:
Հիշեցնենք, որ ապրիլի 13-ին ԱՄՆ-ն հայտնել էր Իրանի դեմ ծովային շրջափակման մեկնարկի մասին:
Հետևեք մեզ տելեգրամում
