«Carnegie Europe»-ի վերլուծաբան Թոմաս դե Վաալը, «Ազատություն» ռադիոկայանին տված հարցազրույցում հայտարարել է, որ Իրանի շուրջ շարունակվող լարվածությունը լուրջ դժվարություններ է ստեղծում «Թրամփի ուղի» նախագծի (TRIPP) իրականացման համար։
Նրա խոսքով՝ խնդիրը պայմանավորված է մի քանի հիմնական գործոններով։ Նախ՝ հակամարտության պայմաններում ամերիկացի մասնագետների տեղակայումը Իրանի սահմանին մոտ տարածքներում դառնում է չափազանց վտանգավոր։ Բացի այդ, նման անկայուն իրավիճակում զգալիորեն բարդանում է նաև նախագծի համար մասնավոր ներդրումների ներգրավումը։
Դե Վաալի գնահատմամբ՝ «TRIPP» նախագիծը սկզբնական փուլում ունեցել է բավականին ուժեղ մեկնարկ․ ծրագրի հիմնական խոչընդոտները մեծ մասամբ արդեն հաղթահարվել են, և ԱՄՆ նախագահ Դոնալդ Թրամփը նպատակ ունի ավարտել երթուղու կառուցումը մինչև իր երկրորդ նախագահական ժամկետի ավարտը՝ 2028 թվականը։
Միևնույն ժամանակ դե Վաալը ընդգծել է, որ տարածաշրջանային անվտանգային ռիսկերը շարունակում են ազդեցություն ունենալ նախագծի իրականացման հեռանկարների վրա՝ այն դարձնելով առավել խոցելի արտաքին գործոնների նկատմամբ։
Հետևեք մեզ տելեգրամում
