Պետական այցով Հայաստան ժամանած Ֆրանսիայի նախագահ Էմանուել Մակրոնը Ծիծեռնակաբերդի հուշահամալիրում հարգանքի տուրք է մատուցել Հայոց ցեղասպանության զոհերի հիշատակին։ Մակրոնը ծաղկեպսակ է դրել Հայոց ցեղասպանության զոհերի հիշատակը հավերժացնող հուշակոթողին, որից հետո պատվիրակության մյուս անդամների հետ ծաղիկներ խոնարհել անմար կրակի մոտ: Այս մասին հայտնում է «Արմենպրեսը»:
Ֆրանսիայի նախագահը նաև գրառում է կատարել Հայոց ցեղասպանության թանգարան-ինստիտուտի հյուրերի հուշամատյանում: Մակրոնին ուղեկցել են Հայաստանի նախագահ Վահագն Խաչատուրյանը, ԿԳՄՍ նախարար Ժաննա Անդրեասյանը և Երևանի քաղաքապետ Տիգրան Ավինյանը:
Հայաստան այցի շրջանակներում Ֆրանսիայի նախագահը վարչապետ Նիկոլ Փաշինյանի հետ կայցելի նաև Գյումրի, որտեղ նրանք կմասնակցեն հայ-ֆրանսիական բարեկամությանը նվիրված համերգի։
Հետևեք մեզ տելեգրամում
