ՌԴ արտգործնախարար Սերգեյ Լավրովը և Հնդկաստանի արտգործնախարար Սուբրամանյամ Ջայշանկարը Նյու Դելիում բանակցություններ են անցկացրել՝ քննարկելով էներգետիկ համագործակցությունը, առևտուրը, ինչպես նաև Մերձավոր Արևելքի և Ուկրաինայի շուրջ ստեղծված իրավիճակը՝ BRICS-ի արտաքին գործերի նախարարների հանդիպումից առաջ։
Հանդիպման ընթացքում կողմերը քննարկել են Հնդկաստան-Ռուսաստան ռազմավարական գործընկերության տարբեր ուղղություններ՝ ներառյալ ներդրումները, էներգետիկան, տրանսպորտային կապերը, գիտությունն ու տեխնոլոգիաները։
Սուբրամանյամ Ջայշանկարը բանակցություններից հետո հայտարարել է, որ հանդիպումը եղել է «արդյունավետ կարծիքների փոխանակում»։ Նրա խոսքով՝ երկու երկրները շահագրգռված են բազմաբևեռ աշխարհի ամրապնդմամբ և համագործակցության խորացմամբ։
Հնդկաստանի արտգործնախարարը նշել է, որ վերջին տարիներին երկկողմ հարաբերություններն արձանագրել են կայուն աճ, իսկ տնտեսական և էներգետիկ համագործակցությունը դարձել է առավել ընդգծված։ Նա նաև ընդգծել է, որ անկայուն միջազգային իրավիճակում քաղաքական համագործակցությունն առանձնահատուկ նշանակություն ունի։
Հիշեցնենք, որ Լավրովը Հնդկաստան էր ժամանել BRICS անդամ երկրների երկօրյա նախարարական համաժողովին մասնակցելու նպատակով։ BRICS-ի արտգործնախարարների հանդիպմանը մասնակցելու համար Նյու Դելի են ժամանել նաև Իրանի արտգործնախարար Աբբաս Արաղչին, Բրազիլիայի արտգործնախարար Մաուրո Վիեիրան ու ՀԱՀ միջազգային հարաբերությունների նախարար Օզզի Լամոլան։
Հետևեք մեզ տելեգրամում
