Թրամփ. Առանց ինձ Իսրայելն այլևս գոյություն չէր ունենա

ԱՄՆ նախագահ Դոնալդ Թրամփը հայտարարել է, որ Իրանի դեմ ռազմական գործողություն սկսելու իր որոշմամբ ինքը փրկել է Իսրայելը հավանական կործանումից: Այս մասին նա ասել է «New York Post» թերթին տված հարցազրույցում։

«Եթե չլինեի ես, Իսրայելն այլևս գոյություն չէր ունենա»,- նշել է Թրամփը:

Նա հավելել է, որ Իրանի դեմ ռազմական գործողություն սկսելու որոշումը կայացրել է բացառապես ինքնուրույն։ Թրամփը հերքել է այն վարկածները, թե ԱՄՆ-ն այս հակամարտության մեջ է ներքաշվել Իսրայելի կողմից։

«Հենց ե՛ս եմ սկսել դա: Եվ ես դա արեցի, որովհետև մենք չենք կարող թույլ տալ, որ նրանք (Իրանը) միջուկային զենք ունենան»,- հայտարարել է Թրամփը։