ԱՄՆ պաշտպանության նախարարությունը Ուկրաինայի տարբեր շրջաններում կենսաբանական լաբորատորիաների նախագծման, կառուցման և սարքավորման համար ներդրել է ավելի քան 11 միլիոն դոլար։ Այս մասին հայտնել է ՏԱՍՍ-ը՝ հղում անելով ԱՄՆ Ազգային հետախուզության գաղտնազերծված փաստաթղթերին։
Փաստաթղթերի համաձայն՝ ծրագրի գլխավոր կապալառուն եղել է ամերիկյան «Black & Veatch» ընկերությունը։ Նախահաշիվների համաձայն՝ Ուկրաինական հակաժանտախտային գիտահետազոտական ինստիտուտին կից Կենտրոնական ռեֆերենս-լաբորատորիայի արժեքը կազմել է մոտ 3,49 մլն դոլար, որից ավելի քան 2 մլն դոլարը ծախսվել է լաբորատոր սարքավորումների ձեռքբերման վրա։
Անդրկարպատյան մարզում ախտորոշիչ սարքավորումների համար հատկացվել է ավելի քան 1,92 մլն դոլար, իսկ Խերսոնի ախտորոշիչ լաբորատորիայի համար՝ շուրջ 1,72 մլն դոլար։ Միաժամանակ, Խերսոնի մարզային լաբորատոր կենտրոնում ԱՄՆ ներդրումները գերազանցել են 2,1 մլն դոլարը։
Ֆինանսավորումն իրականացվել է տեխնիկական աջակցության ծրագրերի շրջանակում, որտեղ դոնորը եղել է ԱՄՆ պաշտպանության նախարարությունը, իսկ շահառուն՝ Ուկրաինայի առողջապահության նախարարությունը։
Հետևեք մեզ տելեգրամում
