2026 թվականի մայիսին Վրաստանը Հայաստանից ներմուծել է ավելի քան 218 տոննա ծաղիկ, ինչը մեկ ամսվա ընթացքում գրանցված ամենաբարձր ցուցանիշն է։
Պաշտոնական տվյալների համաձայն՝ հայկական ծաղիկների ներմուծումը գրեթե եռապատկվել է նախորդ տարվա նույն ժամանակահատվածի համեմատ, իսկ 2026 թվականի ապրիլի համեմատ աճը կազմել է 89%։
Մայիսին Վրաստանն ընդհանուր առմամբ ներմուծել է 341,7 տոննա ծաղիկ, որի մեծ մասը՝ Հայաստանից։ Ծաղիկների մատակարարների շարքում են եղել նաև Էկվադորը, Նիդերլանդները, Քենիան, Թուրքիան, Չինաստանը, Հարավային Աֆրիկան և Իտալիան։
Նշվում է, որ Հայաստանից ներմուծված ծաղիկները չեն վերաարտահանվում և մնում են վրացական շուկայում։ Մասնագետների գնահատմամբ՝ ներմուծման աճը պայմանավորված է նաև նրանով, որ Ռուսաստանը սահմանափակել է հայկական ծաղիկների ներմուծումը, ինչից հետո հայկական արտադրողները սկսել են ակտիվորեն որոնել արտահանման նոր շուկաներ։
Հետևեք մեզ տելեգրամում
