Օսմանյան կայսրության վերջին տարիներին հայ ժողովրդի դեմ իրականացված ցեղասպանության ճանաչումը և՛ բարոյական, և՛ պատմական պարտք է: Այս մասին X-ի իր էջում գրառում է արել Իսրայելի արտգործնախարար Գիդեոն Սաարը։ Նա մասնավորապես նշել է․
«Իսրայելի կառավարության հաջորդ նիստին կառավարության կողմից Հայոց ցեղասպանության պաշտոնական ճանաչման վերաբերյալ բանաձևի նախագիծ կներկայացնեմ: Օսմանյան կայսրության վերջին տարիներին հայ ժողովրդի դեմ իրականացված ցեղասպանության ճանաչումը և՛ բարոյական, և՛ պատմական պարտք է: Մենք պետք է նաև վճռականորեն դատապարտենք պատմական ճշմարտության ցանկացած ժխտում, նվազեցում կամ աղավաղում»,- գրել է Սաարը:
Նա նաև նշել է, որ այդ բանաձևը հետագայում կներկայացվի Քնեսեթի քվեարկությանը։
Հետևեք մեզ տելեգրամում
