Մեծի Տանն Կիլիկիո կաթողիկոսությունը հայտնել է, որ Վենեսուելայում տեղի ունեցած երկրաշարժի հետևանքով հայ ընտանիքների տներ են ավերվել, մի քանի անձ էլ տուժել է։ Ըստ հաղորդագրության՝ Արամ Ա-ն երկրաշարժից հետո կապի մեջ է Վենեսուելայի հայ համայնքի հոգևոր հովիվ Գերշ. Տ. Պետրոս եպիսկոպոս Մանվելյանի հետ։
«Սրբազան հոր փոխանցած տեղեկություններով՝ երկրաշարժը մեծ նյութական ու մարդկային վնասներ է հասցրել։ Երկրաշարժին հետևանքով, դժբախտաբար, երկու հայ ընտանիքի տուն քանդվել է, կա մի քանի վիրավոր ու անհետ կորած հայորդի»,-նշված է հաղորդագրությունում։
Հիշեցնենք, որ հունիսի 25-ին Վենեսուելայում 7․2 և 7․5 մագնիտուդով հզոր երկրաշարժեր են տեղի ունեցել, ինչի հետևանքով մահացել է առնվազն 200 մարդ, վիրավորվել՝ ավելի քան 1000-ը:
Հետևեք մեզ տելեգրամում
