Հայկական գյուղատնտեսական արտադրանքի, մասնավորապես՝ պտուղ-բանջարեղենի և ծաղիկների համար նոր շուկաների որոնումն առաջացրել է մեծ հետաքրքրություն տարբեր երկրներում, այդ թվում՝ Թուրքիայում։ Այդ մասին հայտարարել է արտաքին գործերի նախարար Արարատ Միրզոյանը: Փոխանցում է Panorama.am-ը
Նախարարը նշել է, որ խոսքը վերաբերում է Եվրոպական միության շուկային, Կենտրոնական Ասիայի երկրներին, արաբական պետություններին, ինչպես նաև Իրաքին:
«Նաև անմիջական հարևանները, նաև Թուրքիան, իր ամբողջ գործող սահմանափակումներով հանդերձ»,- ասել է Միրզոյանը։ Նրա խոսքով՝ արդեն իրականացվել են որոշ փորձնական առաքումներ, որոնց արդյունքները տեսանելի կլինեն առաջիկա շաբաթների ընթացքում։
«Չեմ կարող թաքցնել, քանի որ նոր շուկաներ են, լոգիստիկ խնդիրներ են առաջանում, բայց էդ ամբողջը նայում ենք, կառավարում ենք, փորձում ենք աջակցել բիզնեսներին»,- ասել է Արարատ Միրզոյանը։
Հետևեք մեզ տելեգրամում
