ՆԱՏՕ-ն Թուրքիայի Քյուրեջիքի ռազմաբազայում գերմանական ՀՕՊ համակարգ է տեղակայել

Թուրքիայի պաշտպանության նախարարությունը հայտնել է, որ Քյուրեջիքի ռազմաբազայում ՆԱՏՕ-ն տեղակայել է գերմանական Patriot հակաօդային պաշտպանության համակարգ՝ դաշինքի պաշտպանության ամրապնդման շրջանակներում։

Նշենք, որ օրեր առաջ Քոնիայի ռազմաօդային ուժերի հրամանատարության գլխավոր բազայում էլ տեղակայվել է իտալական SAMP-T հակաօդային պաշտպանության համակարգ` դաշինքի հակաօդային պաշտպանությունը ամրապնդելու ՆԱՏՕ-ի մշտական ​​պաշտպանության ծրագրի շրջանակներում։

Քյուրեջիքի ռազմաբազան ռադարային հրամանատարական կետ է, որը գտնվում է Թուրքիայի հարավ-արևելքում: Այն հիմնադրվել է 2012 թվականին և հանդիսանում է ՆԱՏՕ-ի հակահրթիռային պաշտպանության համակարգի տարրերից մեկը Եվրոպայում: Բազայի անվտանգությունն ու արտաքին պահպանությունն իրականացնում է Թուրքիայի զինված ուժերը, սակայն ռադարային համակարգի տեխնիկական սպասարկումն ու շահագործումն իրականացվում է ԱՄՆ-ի և ՆԱՏՕ-ի զինվորականների ու մասնագետների կողմից: