Եվրոպական հանձնաժողովի նախագահ Ուրսուլա ֆոն դեր Լայենն աշխատանքային այցով ժամանել է Հայաստան, հայտնել է «Արմենպրես»-ը։
«Զվարթնոց» միջազգային օդանավակայանում նրան դիմավորել է ՀՀ փոխվարչապետ Մհեր Գրիգորյանը։
Այցի շրջանակում նախատեսված է Եվրոպական հանձնաժողովի նախագահի հանդիպումը ՀՀ վարչապետ Նիկոլ Փաշինյանի հետ, որի ընթացքում կքննարկվեն Հայաստան-Եվրոպական միություն համագործակցության օրակարգային հարցերը։
Հանդիպման ավարտից հետո Նիկոլ Փաշինյանն ու Ուրսուլա ֆոն դեր Լայենը հանդես կգան համատեղ հայտարարություններով և կպատասխանեն զանգվածային լրատվության միջոցների ներկայացուցիչների հարցերին։
Հետևեք մեզ տելեգրամում
