Հուլիսի 2-ին Կիևի վրա ՌԴ զանգվածային հարձակման հետևանքով զոհերի թիվը հասել է 30-ի, վիրավորներինը՝ շուրջ 100: Այս մասին հայտնում է Euronews-ը:
Հարձակման ընթացքում թիրախավորվել է ավելի քան 20 օբյեկտ: Հարվածների հետևանքով ամբողջությամբ ավերվել է նաև Ուկրաինայի Կարմիր խաչի պահեստը, որտեղ ոչնչացվել է շուրջ 1,5 միլիոն եվրո արժողությամբ օգնություն և սարքավորումներ։ Կիևի քաղաքապետն այս հարձակումը որակել է որպես ՌԴ-ի կողմից քաղաքի դեմ իրականացված «ամենազանգվածային հարվածը»։
Հարձակումից հետո Ուկրաինայի նախագահ Վոլոդիմիր Զելենսկին արևմտյան դաշնակիցներին կրկին կոչ է արել ուժեղացնել երկրի հակահրթիռային պաշտպանությունը, քանի որ ամերիկյան «Patriot» համակարգերի հրթիռների պաշարները սպառվում են։ Իր տեսաուղերձում Զելենսկին նշել է, որ Եվրոպան պետք է ունենա բավարար կարողություններ՝ պաշտպանվելու բոլոր սպառնալիքներից, ներառյալ՝ ռուսական բալիստիկ հրթիռները։
Հետևեք մեզ տելեգրամում
