Հայաստանի Հանրապետության բարձր տեխնոլոգիական արդյունաբերության նախարար Մխիթար Հայրապետյանը չի շարունակի պաշտոնավարումը խորհրդարանական ընտրություններից հետո նոր ձևավորվելիք Կառավարության կազմում: Այդ մասին հուլիսի 9-ին Կառավարության նիստից հետո լրագրողների հետ ճեպազրույցի ժամանակ հայտնել էՀՀ վարչապետ Նիկոլ Փաշինյանը։ Փոխանցում է «Արմենպրես»-ը:
«Մխիթար Հայրապետյանն ինքը չի ցանկացել շարունակել գործունեությունը նոր ձևավորվելիք Կառավարության կազմում»,-նշել է Փաշինյանը։
Անդրադառնալով Ալեն Սիմոնյանի՝ ԱԺ նախագահի պաշտոնը թողնելուց հետո քաղաքական գործունեության մասին հարցին, որի ձևակերպման մեջ լրագրողն օգտագործել է «քաղաքական ճակատագիր» արտահայտությունը, Փաշինյանը ընդգծել է. «Ալեն Սիմոնյանի քաղաքական ճակատագրի մասին խոսք չի կարող լինել։ Խոսքը հետագայում նրա ներգրավվածության ձևաչափի մասին է, հիմա քննարկում ենք, մտածում ենք, լուծումներ լինեն՝ կտեղեկացնենք»։
Հետևեք մեզ տելեգրամում
