Ռուսաստանի արտգործնախարար Սերգեյ Լավրովը հայտարարել է, որ Մոսկվան հույս ունի՝ Սև ծովում թուրքական նավերի վրա իրականացված հարձակումներից հետո Թուրքիան կոշտ ուղերձ կհղի Ուկրաինային։
Լավրովի խոսքով՝ Ռուսաստանն ակնկալում է, որ Անկարան բացահայտ գնահատական կտա Կիևի գործողություններին։
ՌԴ ԱԳ նախարարն Ուկրաինայի հարձակումները քաղաքացիական նավերի վրա բնութագրել է որպես ահաբեկչություն։
«Նման գործողությունները նույնիսկ ծովահենություն անվանել չի կարելի, քանի որ ծովահենները գրավում են բեռները, այլ ոչ թե ոչնչացնում դրանք»,- ասել է Լավրովը։
Նշենք, որ ավելի վաղ Ռուսաստանի պաշտպանության նախարարությունը հայտարարել էր, որ Սև և Ազովի ծովերում ուկրաինական ուժերը հարձակվել են քաղաքացիական նավերի վրա, այդ թվում՝ թուրքական դրոշով նավերի։ Մոսկվան պնդում է, որ հարձակումների թիրախ են դարձել քաղաքացիական բեռնափոխադրումներ իրականացնող նավերը, մինչդեռ ուկրաինական կողմն այս հայտարարությունների վերաբերյալ պաշտոնական մեկնաբանությամբ դեռևս հանդես չի եկել։
Հետևեք մեզ տելեգրամում
