Ֆուտբոլի ԱԱ․ Արգենտինան երկրորդ անգամ անընդմեջ եզրափակիչում է

Ֆուտբոլի աշխարհի 2026 թվականի առաջնության երկրորդ կիսաեզրափակչում Արգենտինայի հավաքականը 2:1 հաշվով հաղթեց Անգլիայի ընտրանուն և դուրս եկավ մրցաշարի եզրափակիչ։

Հանդիպման հաշիվը 55-րդ րոպեին բացեց Անգլիայի հավաքականի կիսապաշտպան Էնթոնի Գորդոնը։ 85-րդ րոպեին Էնցո Ֆերնանդեսը վերականգնեց հավասարությունը, իսկ ավելացված ժամանակի 93-րդ րոպեին Լաուտարո Մարտինեսը հաղթական գոլը խփեց՝ Արգենտինային պարգևելով եզրափակչի ուղեգիր։

Այսպիսով՝ ԱԱ-2026-ի եզրափակչում Արգենտինան կհանդիպի Իսպանիայի հավաքականին, իսկ Անգլիան սփոփիչ խաղում՝ երրրորդ տեղի համար կմրցի Ֆրանսիայի հետ։ Եզրափակիչ հանդիպումը տեղի կունենա հուլիսի 19-ին։