Թուրքիայի արտգործնախարար Հաքան Ֆիդանը մեկնել է Ուկրաինա։ Կիև կատարած այցի շրջանակներում Ֆիդանը համատեղ մամուլի ասուլիս է ունեցել Ուկրաինայի ԱԳ նախարար Անդրեյ Սիբիհայի հետ։ Ասուլիսի ընթացքում ուկրաինական կողմը հայտարարություններ է արել ռուս-ուկրաինական պատերազմում Թուրքիայի միջնորդական դերի վերաբերյալ։
Ուկրաինայի արտգործնախարարը նշել է, որ Ուկրաինան պատրաստ է հրադադարի և հավելել, որ Վոլոդիմիր Զելենսկու և Վլադիմիր Պուտինի միջև հնարավոր հանդիպումը կարող է կայանալ Թուրքիայում։
Սիբիհայի խոսքով՝ միայն առաջնորդների գագաթնաժողովը կարող է նոր դինամիկա հաղորդել խաղաղության գործընթացին:
Ֆիդանն էլ իր հերթին վերահաստատել է Անկարայի պատրաստակամությունը՝ կրկին հյուրընկալելու կողմերին և ակտիվացնելու դիվանագիտական ջանքերը։
Հետևեք մեզ տելեգրամում
