Իրանի դեմ ռազմական գործողությունների վրա ԱՄՆ-ն մինչ այժմ ծախսել է շուրջ 37,5 միլիարդ դոլար։ Այս մասին հայտարարել է ԱՄՆ պաշտպանության նախարար Փիթ Հեգսեթը՝ Կոնգրեսի Սենատի հատկացումների հանձնաժողովում, հայտնում է «BBC»-ն։
Նա Կոնգրեսից լրացուցիչ 87 միլիարդ դոլարի ֆինանսավորում է պահանջել Պենտագոնի համար, որից 67 միլիարդը նախատեսվում է ուղղել Մերձավոր Արևելքում ռազմական գործողություններին։
Ըստ Հեգսեթի՝ առանց լրացուցիչ ֆինանսավորման կարող են խնդիրներ առաջանալ զինամթերքի և ռազմական տեխնիկայի համալրման, ինչպես նաև ռազմական գործողությունների շարունակման հարցում։ Միաժամանակ, ամերիկացի մի շարք աղբյուրներ կարծում են, որ պատերազմի իրական արժեքը կարող է ավելի բարձր լինել, քանի որ ներկայացված հաշվարկում չեն ներառվել, օրինակ, վնասված ամերիկյան ռազմակայանների վերականգնման ծախսերը։
Հետևեք մեզ տելեգրամում
