Իրանի հետախուզության նախարարությունը թշնամական լրատվամիջոցների և սոցցանցային հաշիվների ցանկ է հրապարակել, որում ներառվել են նաև Ադրբեջանի պետական «AzTV» հեռուստաընկերությունը, պանթյուրքական ռեսուրսներն ու թելեգրամյան ալիքները, ինչպես նաև Իրանից դուրս գործող պարսկալեզու լրատվամիջոցները։ Այս մասին հայտնում է իրանական «Թաբնաքը»:
Նախարարությունը զգուշացրել է, որ այս ռեսուրսների հետ համագործակցող անձանց քրեական հետապնդում է սպառնում։
Ի պատասխան այս քայլի՝ ադրբեջանական կողմը հայտարարել է, որ Իրանի «Sahar TV»-ի և «Mehr» լրատվական գործակալության, ինչպես նաև դրանց ներկայացուցիչների գործունեությունը Ադրբեջանի տարածքում համարվում է ապօրինի։
Բաքվի պնդմամբ՝ այդ ռեսուրսներն իրականացնում են Ադրբեջանի ազգային շահերին հակասող և երկրի ինքնիշխանությանն ու ազգային անվտանգությանը սպառնացող քարոզչություն։ Ադրբեջանի իշխանությունները լրագրողներին ու լրատվամիջոցներին կոչ են արել հրաժարվել հիշատակված իրանական ռեսուրսների հետ որևէ համագործակցությունից։
Հետևեք մեզ տելեգրամում
