Հուլիսի 29-ի գիշերը Ռուսաստանի Ռյազանի մարզում անօդաչու թռչող սարքերի հարձակման են ենթարկվել տեղի նավթավերամշակման գործարանն ու «Wildberries» ընկերության պահեստը: Այս մասին հայտնում է «Радио Свобода»-ն։
«Wildberries»-ի աշխատակիցները տարհանվել են։ Ռյազանի նահանգապետ Պավել Մալկովի հայտարարության համաձայն՝ նավթավերամշակման գործարանի տարածքում հրդեհ է բռնկվել, 6 մարդ հոսպիտալացվել է։ Նա հավելել է, որ տուժածների կյանքին վտանգ չի սպառնում։
Ըստ Ռուսաստանի պաշտպանության նախարարության՝ գիշերվա ընթացքում երկրի ավելի քան 10 շրջաններում խոցվել է ուկրաինական 295 ԱԹՍ։ Ուկրաինական կողմը տեղի ունեցածը դեռևս չի մեկնաբանել։
Հատկանշական է, որ Ռյազանի նավթավերամշակման գործարանը նախկինում ևս թիրախավորվել էր ԱԹՍ-ների կողմից, իսկ մայիսի 15-ի հարվածից հետո դրա աշխատանքը ժամանակավորապես դադարեցվել էր։
Հետևեք մեզ տելեգրամում
