Իրանի իշխանությունները մահապատժի են դատապարտել քաղաքացուն, որին կասկածում են ԱՄՆ Կենտրոնական հետախուզական վարչության և Իսրայելի արտաքին հետախուզության «Մոսադ» ծառայության հետ համագործակցության և գեներալ Ղասեմ Սոլեյմանիի գտնվելու վայրի մասին տեղեկություն տրամադրելու համար:
Այս մասին հունիսի 9-ին հայտարարել է Իրանի Գերագույն դատարանի պաշտոնական ներկայացուցիչ Ղոլյամ Հոսեյն Իսմայիլին:
«Մահմուդ Մուսավի Մաջդը կապված էր ԿՀՎ-ի և «Մոսադի» հետ և գումարի դիմաց զբաղվել է Իսլամական հեղափոխության պահապանների կորպուսի նկատմամբ լրտեսությամբ»,- ասել է նա։
Իսմայիլին հաղորդել է, որ «այդ մարդը թշնամիներին է փոխանցել Սոլեյմանիի գտնվելու վայրը»։
Դատական իշխանությունների ներկայացուցչի խոսքով՝ «Մաջդը դատապարտվել է մահապատժի և շուտով դատավճիռն ի կատար կածվի»։
Նշենք, որ 2020 թվականի հունվարի 3-ին ԱՄՆ ռազմաօդային ուժերը հրթիռային հարված էր հասցրել Բաղդադի օդանավակայանի ուղղությամբ, ինչի հետևանքով զոհվել էր Իրանի իսլամական հեղափոխության պահապանների կորպուսի գեներալ Ղասեմ Սոլեյմանին:
Հետևեք մեզ տելեգրամում
