ԱՄՆ նախագահ Դոնալդ Թրամփը կասկածի տակ է դրել Ուկրաինային Patriot հակահրթիռային համակարգերի արտադրության արտոնագիր տրամադրելու հնարավորությունը։ Financial Times-ին տված հարցազրույցում Թրամփը նշել է, որ «վստահ չէ» նման քայլի հարցում։
«Դա չափազանց արտասովոր զենք է, և մենք պետք է շատ զգույշ լինենք, թե ում ենք արտոնագիր տալիս»,-ասել է Թրամփը։
Միաժամանակ, Վաշինգտոնում Ուկրաինայի դեսպան Օլգա Ստեֆանիշինան հայտնել է, որ Patriot-ի արտադրող Raytheon ընկերության մասնագետներն արդեն այցելել են Ուկրաինա, իսկ PAC-3 հրթիռներ արտադրող Lockheed Martin կորպորացիան աշխատանքներ է տանում իր մասնագետների խումբն ուղարկելու ուղղությամբ։
Պարբերականը նաև հայտնում է, որ առաջիկա օրերին առաջին անգամ Ուկրաինա են այցելելու Թրամփի հատուկ բանագնացներ Ջարեդ Կուշներն ու Սթիվ Վիտկոֆը։
Հիշեցնենք, որ հուլիսի 28-ին Ուկրաինայի նախագահ Վոլոդիմիր Զելենսկին հանդիպել էր ԱՄՆ նախագահ Դոնալդ Թրամփի հետ: Հանդիպումից հետո Զելենսկին հայտնել էր, որ Թրամփը համաձայնել է արագացնել Patriot համակարգերի համար հրթիռների արտադրության լիցենզիաների տրամադրումը։
Հետևեք մեզ տելեգրամում
