Ուկրաինայի նախագահ Վոլոդիմիր Զելենսկին պաշտոնից ազատել է ԱՄՆ-ում Ուկրաինայի դեսպան Օլգա Ստեֆանիշինային։ Որոշումը, ըստ «AFP»-ի, սպասվում էր անցած ամիս Ուկրաինայի կառավարությունում իրականացված վերադասավորումներից հետո։
Ստեֆանիշինան այդ պաշտոնը զբաղեցնում էր շուրջ մեկ տարի, նա իր հեռանալը կապել է անձնական հանգամանքների հետ։ Ստեֆանիշինան նաև նշել է, որ Վաշինգտոնում Ուկրաինայի դեսպանի պաշտոնը համարում է իր կյանքի «ամենամեծ պատիվը»։ Նա հայտարարել է, որ իր պաշտոնավարման ընթացքում հաջողվել է ավելացնել ամերիկյան զենքի մատակարարումները և պահպանել ԱՄՆ-ի աջակցությունը Ուկրաինային։
Միաժամանակ, ուկրաինական լրատվամիջոցները հայտնում են, որ երկրի հակակոռուպցիոն մարմինը նախկին դեսպանի նկատմամբ հնարավոր իրավախախտումների կասկածանքով հետաքննություն է սկսել, սակայն նրա նկատմամբ պաշտոնական մեղադրանք դեռ չի առաջադրվել։
Հիշեցնենք, որ ավելի վաղ լուրեր էին շրջանառվել, որ երկրի վարչապետ Յուլիա Սվիրիդենկոն կարող է նշանակվել ԱՄՆ-ում Ուկրաինայի դեսպան՝ փոխարինելով Օլգա Ստեֆանիշինային։
Հետևեք մեզ տելեգրամում
