Երևանում նախատեսվում է ստեղծել միջազգային մակարդակի խաղային, հյուրանոցային, ժամանցային և զբոսաշրջային համալիր՝ մոտ 500 մլն դոլար ընդհանուր գնահատված ներդրումով։ Այդ մասին ֆեյսբուքյան իր էջում հայտնել է էկոնոմիկայի նախարար Գևորգ Պապոյանը՝ տեղեկացնելով, որ օգոստոսի 6-ին ընդունել է «Global Tribe Gaming» ընկերության ներկայացուցիչներին։
«Global Tribe Gaming» ընկերությունը կհամագործակցի «Դվին» հյուրանոցային համալիրի և «Seven Visions Resort & Places»-ի հետ: 40 մլն դոլարը նախատեսվում է ներդնել հարակից անշարժ գույքի զարգացման համար, այդ թվում՝ լրացուցիչ հյուրանոցային աշտարակի կառուցման նպատակով։
Նախագծով նախատեսվում է ստեղծել մոտ 1000 աշխատատեղ։ Հանդիպման ընթացքում քննարկվել են ներդրումային ծրագրի իրականացման, ինչպես նաև խաղային ոլորտի հարկային, լիցենզավորման, կարգավորման և վճարային համակարգերին առնչվող հարցերը։
Հետևեք մեզ տելեգրամում
