Լիբանանի խորհրդարանը օգոստոսի 11-ին ընդունել է մահապատիժը վերացնելու մասին օրենքի նախագիծը՝ դառնալով Մերձավոր Արևելքի առաջին երկիրը, որն օրենսդրորեն ամբողջությամբ վերացրել է մահապատիժը: Այս մասին հայտնում է «BBC»-ին։
Խորհրդարանի խոսնակի գրասենյակի փոխանցմամբ՝ օրինագիծն ընդունվել է մի շարք փոփոխություններից հետո։
Նշենք, որ Լիբանանում մահապատիժ չի իրականացվել 2004 թվականից ի վեր: Երկրի արդարադատության նախարար Ադել Նասարը որոշումը պատմական է անվանել՝ նշելով, որ մահապատժի առկայությունը նախկինում դժվարացրել է այն երկրների հետ համագործակցությունը, որոնք արգելում են մահապատիժը, քանի որ այդ երկրները հաճախ հրաժարվել են կասկածյալներ հանձնել Լիբանանին։ «Human Rights Watch»-ի՝ Լիբանանի հարցերով հետազոտող Ռամզի Քայսը որոշումը գնահատել է որպես մարդու իրավունքների պաշտպանությանն ուղղված կարևոր քայլ։
Հետևեք մեզ տելեգրամում
