Եմենի ափերի մոտ՝ Բաբ էլ-Մանդեբի նեղուցում, փոքր բեռնատար նավի վրա հարձակման հետևանքով անձնակազմի երեք անդամ է զոհվել։ Այս մասին հայտնում է «Reuters»-ը՝ հղում անելով Եմենի կառավարության երկու ռազմական պաշտոնյաների։
Բրիտանական ծովային անվտանգության «Ambrey» ընկերության տվյալներով՝ նավը, որը գտնվում էր Եմենի Պերիմ կղզուց մոտ 3.3 ծովային մղոն հեռավորության վրա, ենթադրաբար հարձակման է ենթարկվել հութիների կողմից և վնասվել։ Զոհվածների թվում եղել են Պակիստանի երկու և Ինդոնեզիայի մեկ քաղաքացի։
Հութիները, որոնք աջակցություն են ստանում Իրանից, առայժմ չեն ստանձնել հարձակման պատասխանատվությունը։
Հետևեք մեզ տելեգրամում
