Ճապոնիան վճռական բողոք է հայտնել Ռուսաստանի նախագահ Վլադիմիր Պուտինի՝ Կուրիլյան կղզիներ կատարած այցի առնչությամբ: Այս մասին հայտնում է Kyodo գործակալությունը։
«Հյուսիսային տարածքները պատմականորեն և միջազգային իրավունքի համաձայն հանդիսանում են Ճապոնիայի անբաժանելի մասը, և Ճապոնիայի կառավարությունը վճռականորեն բողոքարկում է այս այցի դեմ», – հայտարարել է Ճապոնիայի արտաքին գործերի նախարար Տոսիմիցու Մոտեգիին:
Նշենք, որ օգոստոսի 13-ին Սիբիրով և Հեռավոր Արևելքով աշխատանքային շրջագայության շրջանակում ՌԴ նախագահ Վլադիմիր Պուտինն առաջին անգամ այցելել է Կուրիլյան Իտուրուպ կղզի։
Մինչ այս ՌԴ ղեկավարները Կուրիլներ այցելել են ընդհանուր առմամբ հինգ անգամ։ Չորս այցելություն իրականացրել է Դմիտրի Մեդվեդևը (2010 թվականին՝ որպես ՌԴ նախագահ, 2012, 2015 և 2019 թվականներին՝ որպես վարչապետ), իսկ 2021 թվականին Իտուրուպ կղզի է այցելել ՌԴ վարչապետ Միխայիլ Միշուստինը։
Ռուսաստանի և Ճապոնիայի միջև Կուրիլյան կղզիների պատկանելիության շուրջ վեճերը շարունակվում են Երկրորդ համաշխարհային պատերազմի ավարտից ի վեր։ Պատերազմի արդյունքներով կղզիներն անցել են ԽՍՀՄ-ին, սակայն Տոկիոն վիճարկում է Ռուսաստանի ինքնիշխանությունը այդ տարածքներից մի քանիսի, այդ թվում՝ Իտուրոպ կղզու նկատմամբ։
Հետևեք մեզ տելեգրամում
