Պորտուգալիայի նախագահ Անտոնիո Ժոզե Սեգուրոն օրենք է ստորագրել, ըստ որի՝ հանրային վայրերում կարգելվի դեմքը ծածկել կամ կրել հագուստ, որը կարող է խոչընդոտել անձի նույնականացումը։
Օրենքը նաև արգելում է որևէ մեկին ստիպել ծածկել դեմքը՝ սեռի, կրոնի, տարիքի կամ ծագման հետ կապված պատճառներով։ «Այս հարցը սոցիալական և մշակութային մեծ զգայունության թեմա է, սակայն դեմքը պետք է համարվի մարդու ինքնության և հաղորդակցության կենտրոնական տարր»,- հայտարարել է Պորտուգալիայի նախագահը։
Տեղական ԶԼՄ-ների կողմից «բուրկայի օրենք» անվանումը ստացած օրինագիծը Պորտուգալիայի խորհրդարանն ընդունել էր հուլիսին՝ իշխող աջակողմյան կոալիցիայի և ծայրահեղ աջ կուսակցությունների աջակցությամբ։ Ձախակողմյան կուսակցությունները դեմ են քվեարկել օրենքի ընդունմանը։
Հետևեք մեզ տելեգրամում
