ԱՄՆ-ն վերացրել է Սիրիայի նկատմամբ հիմնական տնտեսական պատժամիջոցները և սույն թվականի օգոստոսի 24-ին երկիրը հանել ահաբեկչությունը հովանավորող պետությունների ցանկից։ «Arab News»-ի հաղորդմամբ՝ Սիրիան այդ ցուցակում էր 47 տարի, իսկ կարգավիճակի վերացումը երկիրն ազատում է դրա հետ կապված տնտեսական խիստ սահմանափակումներից։
ԱՄՆ ֆինանսների նախարար Սքոթ Բեսենթը հայտարարել է, որ այս քայլը «կօգնի խթանել լրացուցիչ ներդրումները Սիրիայում՝ նպաստելով քաղաքական և տնտեսական կայունությանը»։
Այս ֆոնին սիրիական ԶԼՄ-ներում տեսանյութ է տարածվել, որում երևում է, թե ինչպես է Սիրիայի նախագահ Ահմեդ ալ-Շարան Կենտրոնական բանկի կառավարիչ Սաֆվաթ Ռասլանի հետ սուրճ խմելուց հետո վճարում կատարում Visa քարտով։ Ռասլանի խոսքով՝ դա Դամասկոսի կենտրոնում Visa քարտով կատարված առաջին վճարումն էր՝ Սիրիան ահաբեկչությունը հովանավորող պետությունների ցանկից հանելուց հետո։
Տեսանյութը կարող եք դիտել այստեղ։
Հետևեք մեզ տելեգրամում
