Թրամփը Հորմուզի նեղուցը պատկերող քարտեզ է հրապարակել՝ այն ներկայացնելով որպես ԱՄՆ տարածք

ԱՄՆ նախագահ Դոնալդ Թրամփը «Truth Social» սոցիալական հարթակում հրապարակել է քարտեզ, որով ակնարկվում է, թե Հորմուզի նեղուցը Միացյալ Նահանգների տարածք է։

Հրապարակմանը կից որևէ մեկնաբանություն կամ լրացուցիչ բացատրություն չի ներկայացվել։ Պատկերում «ԱՄՆ տարածքներ» մակագրության ներքո պատկերված են Գուամի, Վիրջինյան կղզիների, Հյուսիսային Մարիանյան կղզիների, Պուերտո Ռիկոյի, Ուեյք կղզու, Վաշինգտոնի, Ամերիկյան Սամոայի, Մարշալյան կղզիների և Միկրոնեզիայի Դաշնային Նահանգների դրոշները։ Պատկերի վերին հատվածում երևում է նաև Հորմուզի նեղուցի քարտեզը։

Թրամփը վերջին շրջանում բազմիցս հայտարարել է, որ Հորմուզի ռազմավարական նեղուցը գտնվում է ԱՄՆ վերահսկողության ներքո։ Հինգշաբթի նա լրագրողների հետ զրույցում հայտարարել էր, որ Միացյալ Նահանգները «վերահսկում է» Հորմուզի նեղուցը և շարունակում է Իրանի նավահանգիստների շրջափակումը։