Իրանական ռիալի փոխարժեքը ԱՄՆ դոլարի նկատմամբ հասել է պատմական նվազագույնի՝ Իրանի նկատմամբ Վաշինգտոնի տնտեսական ճնշման ուժեղացման ֆոնին: Այս մասին հայտնում է Bloomberg-ը։
Ըստ աղբյուրի՝ օգոստոսի 31-ին Թեհրանի չկարգավորվող արժութային շուկայում մեկ դոլարի փոխարժեքը հասել է 2,04 մլն ռիալի։ Մարտից ի վեր Իրանի ազգային արժույթը դոլարի նկատմամբ արժեզրկվել է շուրջ 63%-ով։
Ռիալի արժեզրկումն արագացել է շարունակվող հակամարտության և Իրանի նկատմամբ տնտեսական սահմանափակումների պայմաններում։ Իրանի՝ տարածաշրջանային բանկային համակարգերին և առևտրային ուղիներին հասանելիության սահմանափակումները, ինչպես նաև արտահանման խափանումները նվազեցրել են արտարժույթի ներհոսքը։
Իրանի Կենտրոնական բանկի տնօրեն Աբդոլնասեր Հեմմաթին ավելի վաղ հայտարարել էր, որ բանկը պատրաստ է 2 մլրդ դոլար ուղղել արտարժույթի շուկա՝ ռիալի փոխարժեքը կայունացնելու նպատակով։
Հետևեք մեզ տելեգրամում
